ह्याक, ह्याक

ह्याक, ह्याक !

by फेस बुके on Friday, October 19, 2012 at 2:49pm ·

जॉन एमब्रोस फ्लेमिंग एकदा मार्कोनीच्या वायरलेस टेलिग्राफसंदर्भात प्रयोग करून दाखवत होता. तो यशस्वी सुद्धा झाला. त्या प्रयोगाला महान जादुगार नेव्हिल मस्कलीन हजर होता. मस्कलीनला त्यात लैच त्रुटी असाव्यात असे वाटून गेले. पण त्या नेमक्या कोणत्या  हे त्याला समजेना. असे कुठे काही अडले की तत्सम तज्ञ लोक भारतात येत असत. मस्कलीन सुद्धा त्याला अपवाद कसा असणार ? तो पण अर्थातच आला. तर असाच प्रश्नाच्या उत्तरासाठी वणवण भटकून तो थकून गेला पण त्याला उत्तर मिळाले नाही. अशातच त्याला बैलगाडीवरून जाणारा एक शेतकरी दिसला. त्याने याला लिफ्ट दिली. खाणाखुणांनी दोघांचे बोलणे सुरु होते. कारण मस्कलीनला मराठी येईना आणि शेतकऱ्याला इंग्रजी !


दूरवर शेतात एक झोपडीवजा घर लागले तसा


" तुम्ही थांबा मी आलोच " असे खुणेनेच सांगून शेतकरी तिकडे गेला. तो बराच वेळ झाला येईचना. मस्कलीनने अनेक प्रकारे त्याला हाका मारून पाहिल्या पण उपयोग झाला नाही. आता काय करावे अशा विचारात त्याने बैलांना चाबूक मारून पाहिला पण ते सुद्धा जागचे हलेनात. शेतकरी एकदाचा आला त्याने सोबत बरेच खाद्यपदार्थ आणि फळे आणली होती. तो गाडीत बसला आणि त्याने ती मस्कलीन ला दिली.

त्यावर त्याने शेतकऱ्याचे आभार मानले आणि मग काय बस शेतकऱ्याने " ह्याक " आवाज करताच बैल धावू लागले ! मस्क्लीन सुद्धा आनंदाने 'ह्याक ह्याक' शब्द उच्चारून नाचू लागला. एकंदरीत "ह्याक" या शब्दाने त्याच्यावर जादूच केली. शेतकऱ्याला निरोप देताना सुद्धा लैच वेळा गहिवरून त्याने " ह्याक" शब्द निरोपादाखल उच्चारला !


नेव्हिल जादुगार असला तरी त्याने 'वायरलेस टेलिग्राफी' संदर्भात काही मुलभूत संशोधन केले होते. तो मार्कोनीचा टीकाकार आणि विरोधक मानला जात असे. मात्र त्याचा उद्देश फक्त मार्कोनीच्या वायरलेस टेलिग्राफितले दोष दाखवून देणे इतकाच होता. ह्याक शब्दाची जादूच अशी भारी की त्याने जॉन फ्लेमिंगचा प्रयोग चालू असताना ते वायरलेस मेसेजेस चक्क "ह्याक " केले आणि स्वतःचे मेसेजेस तिथे ब्रोड्कोस्ट केले. मार्कोनीच्या डिव्हायसेस मधील त्रुटी अर्थातच समोर आल्या आणि नंतर त्यात लैच वेळा सुधारणा झाल्या.

तर इतिहासातील पहिला ह्याकर नेव्हिल मस्कलीन ला लैच वेळा "ह्याक !"  :-)